Skip to main content

46

  1. Silentium diligenter a fratribus servetur maxime in locis ac temporibus orationi et studio destinatis; est enim totius observantiæ præsidium et confert præsertim interiori vitæ religiosæ, paci, orationi, studio veritatis et sinceritati prædicationis.
  2. Silentium in spiritu caritatis ita ordinari debet ut fructuosas communicationes non impediat.
Constitutio
In fieri:
No
Confirmed ACG 1968 River Forest n.
Valere coepit:
Primo promulgata:

41

Ut fratres nostri melius contemplationi et studio vacare possint, ut intimitas quoque familiæ augeatur et ut fidelitas ac indoles vitæ nostræ religiosæ manifestentur, clausura in conventibus nostris servanda est.
Constitutio
In fieri:
No
Confirmed ACG 1968 River Forest n.
Valere coepit:
Primo promulgata:

40

Ad regularem observantiam omnia elementa pertinent quæ vitam dominicanam constituunt et per disciplinam communem ordinant. Inter hæc autem eminet vita communis, celebratio liturgiæ et oratio secreta privata,1votorum impletio, studium assiduum veritatis et ministerium apostolicum, ad quorum fidelem adimpletionem nos adiuvant clausura, silentium, habitus et opera pænitentiæ.

Constitutio
In fieri:
No
Technice ACG 2010 Romæ n. 263
Valere coepit:
Primo promulgata:

39

Observantia regularis a s. Dominico ex traditione assumpta vel ab eo innovata, conversationem nostram ita ordinat ut in proposito pressius sequendi Christum adiuvemur et vitam apostolicam efficacius perficere possimus. Ut ergo in nostra vocatione fideles permaneamus regularem observantiam plurimi mente faciamus, corde perdiligamus ac opere adimplere conemur.
Constitutio
In fieri:
No
Confirmed ACG 1968 River Forest n.
Valere coepit:
Primo promulgata:

37

Conventus nostri, quacumque superfluitate et specie ostentationis devitatis, simplices sint et suo fini apti atque ita secundum mores loci et temporis disponantur ut nemini offensam præbeant.
Constitutio
In fieri:
No
Confirmed ACG 1968 River Forest n.
Valere coepit:
Primo promulgata:

36

Cum “in necessitatibus diei præsentis oporteat unumquemque aliquando occupari”2 religiosa paupertas postulat ut cuncti fratres conscii sint responsabilitatis suæ erga vitam œconomicam conventus (cf. nn. 576–577).

Constitutio
In fieri:
No
Confirmed ACG 1968 River Forest n.
Valere coepit:
Primo promulgata:

35

Superiores et syndici de communi ita sollicite procurent veris et iustis fratrum necessitatibus subvenire, ut vita privata maneat prorsus exclusa.
Constitutio
In fieri:
No
Confirmed ACG 1968 River Forest n.
Valere coepit:
Primo promulgata:

33

Cum paupertas tot hominibus necessitatem laboris strenui imponat pro victu tenui, fratres nostri efficax testimonium collectivum reddant, coram populo, impigre laborando in munere suo apostolico, sobrie vivendo de stipendio plerumque incerto et libenter de suis bonis pauperioribus communicando.
Constitutio
In fieri:
No
Confirmed ACG 1968 River Forest n.
Valere coepit:
Primo promulgata:

32

  1. Ideo professione nostra promittimus Deo nihil possidere iure proprietatis personalis sed omnia habere communia, atque eis uti ad bonum commune Ordinis atque Ecclesiæ sub ordinatione superiorum.
  2. Quapropter nemo ex fratribus bona, vel pecuniam, vel proventus quocumque modo ei obvenientia tamquam propria retinere potest sed omnia tradat communitati.
  3. Sed neque in ipsa communitate admittatur cumulus bonorum communium quæ non inserviant fini Ordinis seu ministerio eiusdem eo quod adversantur paupertati quam omnes singillatim et ut membra communitatis professi sunt.
Constitutio
In fieri:
No
Confirmed ACG 1968 River Forest n.
Valere coepit:
Primo promulgata:

31

  1. Auscultantes Domino dicenti: “Vade, vende quæ habes et da pauperibus et veni, sequere me”,3 decrevimus pauperes esse et re et spiritu, ut, dum homines a divitiarum dominatu eripere conamur et ad superna bona convertere, simus ipsi de cupiditate victores per conformitatem cum Christo “qui propter nos egenus factus est ut illius inopia nos divites essemus”.4 
  2. Ille spiritus paupertatis urget nos ad reponendum thesaurum nostrum in iustitia regni Dei, vivida cum fiducia in Domino. Est libertas a servitute, immo a sollicitudine rerum mundanarum ut plenius adhæreamus Deo, expeditius vacemus Deo, audacius loquamur de Deo. Ideo est parcitas erga nos, quæ intimius nos sociat pauperibus evangelizandis; sed est etiam liberalitas erga fratres et proximos cum pro regno Dei, præsertim pro necessitatibus studii et ministerii salutis, libenter expendimus facultates “ut in omnibus quibus utitur transitoria necessitas superemineat quæ permanet caritas”.5
Constitutio
In fieri:
No
Confirmed ACG 1968 River Forest n.
Valere coepit:
Primo promulgata:
Subscribe to