Skip to main content

293

Dispensationes, nominationes, et alia similia quomodolibet per capitulum generale vel magistrum Ordinis sine temporis limitatione facta, in robore manent donec fuerint revocata per similem potestatem. Ab inferioribus autem capitulis vel superioribus quomodolibet facta perdurant usque ad promulgationem actorum sequentis capituli, aut usque ad susceptionem officii cuiusque eorum successoris nisi aliud in legibus nostris expresse caveatur.
Ordenacio
In fieri:
No
Confirmed ACG 1968 River Forest n.
Valere coepit:
Primo promulgata:

288

Ordinationes in visitationibus canonicis factæ in suo robore manent usque ad sequentem visitationem a simili potestate peractam.
Ordenacio
In fieri:
No
Confirmed ACG 1968 River Forest n.
Valere coepit:
Primo promulgata:

287

Ordinationes superiorum eorumque vices gerentium cessant cum eorum officio, salvo n. 284.
Ordenacio
In fieri:
No
Confirmed ACG 1968 River Forest n.
Valere coepit:
Primo promulgata:

286

  1. Ordinationes quæ in statuto provinciæ inveniuntur vim retinent usque ad revocationem per capitulum provinciale, salvo n. 279 § III.
  2. Aliæ ordinationes capituli provincialis durant usque ad diem quo vigere incipiunt acta capituli sequentis.
Ordenacio
In fieri:
No
Confirmed ACG 1968 River Forest n.
Valere coepit:
Primo promulgata:

285

  1. Ordinationes quæ in vigore permanserunt per quinque duo capitula continua et in sexto tertio fuerunt adprobatæ in librum constitutionum et ordinationum inserantur. Si non insertæ fuerint, abrogatæ considerandæ sunt, nisi a capitulo generali denuo instituantur. 
  2. Ordinationes quæ in libro constitutionum et ordinationum inveniuntur per capitulum generale revocari possunt usque ad proximum capitulum; si vero secundum capitulum primum confirmet definitive abrogantur (cf. appendicem n. 2).
Ordenacio
In fieri:
No
Definitive ACG 2016 Bologna n. 275
Secunda ACG 2013 Traugurii n. 224
Acceptata ACG 2010 Romæ n. 270
Valere coepit:
Primo promulgata:

282

  1. Constitutiones et ordinationes capitulorum generalium promulgantur per editionem in actis capitulorum generalium vel alio modo ab iisdem capitulis determinato et, nisi aliud expresse statuatur, vigere incipiunt post duos menses a promulgatione, computando a die quo inscribuntur litteræ quibus magister Ordinis exhibet fratribus acta capituli.
  2. Ordinationes vero magistri Ordinis promulgantur et obligare incipiunt modo ab ipso determinato.
Ordenacio
In fieri:
No
Confirmed ACG 1968 River Forest n.
Valere coepit:
Primo promulgata:

274

Deputatio ordinarie non fiat ultra sex menses. Exceptionaliter vero, præcipue ratione docendi, fieri potest ad annum.
Ordenacio
In fieri:
No
Confirmed ACG 1968 River Forest n.
Valere coepit:
Primo promulgata:

273

Deputatio dicitur fratris destinatio alicui provinciæ vel conventui ad tempus, a superiore maiori in scriptis facta imponens obligationes assignationis quæ expresse non excluduntur, non autem tribuens eius iura, salvo tamen iure participandi in electionibus conventus suæ assignationis.
Ordenacio
In fieri:
No
Confirmed ACG 1968 River Forest n.
Valere coepit:
Primo promulgata:

272

Litteræ assignationis coram communitate in conventu ad quem frater mittitur, quamprimum non ultra hebdomadam ab earum receptione legantur. A quo momento incipit adscriptio fratris huic conventui, etiamsi ipse tunc adesse non potuerit. 

Superior autem adnotet factum in libro consilii et de eo certiorem faciat superiorem conventus prioris assignationis.

Ordenacio
In fieri:
No
Confirmed ACG 1968 River Forest n.
Valere coepit:
Primo promulgata:

271

  1. Capitulum generale vel magister Ordinis ad quamcumque provinciam aut conventum fratres libere assignare potest. 
  2. Capitulum autem provinciale vel prior provincialis assignationes facere potest in sua provincia. 
  3. Capitulum provinciale vel prior provincialis fratrem alius provinciæ ad suam provinciam assignare potest de consensu capituli provincialis vel prioris provincialis provinciæ affiliationis, monito tamen magistro Ordinis. 
  4. Frater qui ad normam § I vel § III ad provinciam simpliciter assignatus fuerit, indiget præterea quam primum assignatione conventui determinato. 
  5. Fratrum assignationes directæ et indirectæ ratione studiorum fiant in scriptis (cf. appendicem n. 13).
Ordenacio
In fieri:
No
Technice ACG 2019 Biên Hòa n. 398
Valere coepit:
Primo promulgata:
Subscribe to