Skip to main content

601

Cum fratres permanenter apud instituta, opera vel alia huiusmodi quæ ad conventus vel provincias Ordinis non pertinent officium aliquod exercent vel laborem præstant, curet prior provincialis contractum inire in quo omnes condiciones accurate stabiliantur. Quando officium exercetur in territorio aliæ provinciæ, contractus indiget insuper approbatione prioris provincialis loci.

Ordenacio
In fieri:
No
Acceptata ACG 2019 Biên Hòa n. 430
Substitutum:
Valere coepit:
Primo promulgata:

600

Si fratres in aliena provincia degunt vel laborant, sive sint in ea assignati sive non, priores provinciales quorum interest mutuo consensu vel inita conventione de eorum condicione œconomica componant. Determinentur nempe quænam expensæ factæ pro illis restituendæ sint provinciæ in qua degunt, vel e converso quænam emolumenta ob præstitum laborem retribuenda sint provinciæ ex qua veniunt.
Ordenacio
In fieri:
No
Confirmed ACG 1968 River Forest n.
Valere coepit:
Primo promulgata:

599

Fratres hospites in conventu Ordinis pensionem congruam solvant vel non, secundum legitimam consuetudinem provinciæ vel conventus.
Ordenacio
In fieri:
No
Confirmed ACG 1968 River Forest n.
Valere coepit:
Primo promulgata:

597

Condiciones et obligationes scripto consignentur, in duplici exemplari, quorum unum apud archivum provinciæ, alterum apud conventum ad quem spectat, asserventur.
Ordenacio
In fieri:
No
Confirmed ACG 1968 River Forest n.
Valere coepit:
Primo promulgata:

596

  1. Haud fratribus singulis sed solis personis moralibus iuridicis in Ordine, cum consensu respectivi consilii, pias fundationes vel alia dona cum obligationibus duraturis vel onerosis acceptare liceat. 
  2. Omnes acceptationes onerosæ requirunt insuper consensum consilii provinciæ et non de facili admittantur quæ obligationem diu duraturam imponant.
Ordenacio
In fieri:
No
Technice ACG 2019 Biên Hòa n. 429
Valere coepit:
Primo promulgata:

595

Missæ quæ debito tempore a patribus presbyteris conventus celebrari non possunt, ad priorem provincialem mittantur, quæ vero in provincia supersunt, ad magistrum Ordinis.

Ordenacio
In fieri:
No
Technice ACG 2019 Biên Hòa n. 428
Valere coepit:
Primo promulgata:

594

Sacrista maior capsam specialem habeat pro servandis eleemosynis Missarum quæ celebrandæ sunt, et nonnisi post celebrationem earum pecunia in capsam communem introducatur. Singulis mensibus reddat consilio conventus rationem de Missis celebratis et celebrandis.
Ordenacio
In fieri:
No
Confirmed ACG 1968 River Forest n.
Valere coepit:
Primo promulgata:

593

Fratres Missas acceptatas tradere debent sacristæ maiori qui eas accurate in libro speciali adnotet, indicando diem receptionis, numerum, intentionem, condiciones, eleemosynam, celebrationem.
Ordenacio
In fieri:
No
Confirmed ACG 1968 River Forest n.
Valere coepit:
Primo promulgata:

592

Capituli generalis est statuere summam, ultra quam magister Ordinis non potest licentiam expendendi concedere absque suo consilio.
Ordenacio
In fieri:
No
Confirmed ACG 1968 River Forest n.
Valere coepit:
Primo promulgata:

591

Negotia maioris momenti, quæ nullas expensas ab Ordine requirunt quia a subventionibus extraneorum solvuntur, etiam consensu debito indigent, ad normam n. 590 et articuli præcedentis.
Ordenacio
In fieri:
No
Confirmed ACG 1968 River Forest n.
Valere coepit:
Primo promulgata:
Subscribe to