Technice ACG 1986 Avila n. 263

In capitulo generali electivo coadunantur et vocem habent: 

1. In electione magistri Ordinis:
   1. ex-magistri Ordinis;
   2. singuli priores provinciales;
   3. ex quacumque provincia, diffinitor capituli generalis;
   4. vice-provinciales et vicarii generales, de quibus in n. 257, § II;
   5. ex provinciis saltem centum religiosos professos habentibus, exclusis autem iis qui in vicariatibus sunt, socius diffinitoris capituli generalis;
   6. ex provinciis saltem quadringentos religiosos professos habentibus, exclusis autem qui in vicariatibus assignati sunt, socius prioris provincialis euntis ad capitulum generale;
   7. ex provincia habente saltem decem usque ad centum fratres assignatos in vicariatibus vel domibus ipsius provinciae extra fines provinciae, delegatus electus ex iis, secundum statutum provinciae; ex provincia vero habente a 101 ad 200 fratres in vicariatibus assignatos, alter eligatur delegatus; et sic deinceps.
2. In negotiis tractandis, post electionem magistri:
   1. magister Ordinis nuper electus;
   2. ex-magistri Ordinis;
   3. singuli priores provinciales;
   4. diffinitores capituli generalis;
   5. vice-provinciales et vicarii generales, de quibus in n. 257, § II;
   6. socii priorum provincialium et diffinitorum, et delegati fratrum ex vicariatibus qui elegerunt.