Sedulo curent superiores ut fratres ob ministerium extra conventum suæ assignationis
degentes sæpe possint ad illum redire et ab aliis visitari. Communitas cum gaudio eos
recipiat, enixe adiuvet et in eorum laboribus spiritu et opere partem habeat. Ipsi autem
ministerium suum veluti membra communitatis exerceant ac libenter adsint adunationibus
conventualibus ut in fervore apostolico ab aliis nutriantur eosque vicissim ædificare
possint.