Ius instituendi priorem provincialem ad magistrum Ordinis devolvitur:
quando electores in die pro electione statuto nec elegerunt nec postulaverunt, sed septem scrutinia inutilia fecerunt;
quando quacumque ex causa provincia a sex mensibus legitimo priore provinciali careat.
Post tertiam electionem, confirmatam et non acceptatam, magister Ordinis potest, post quartam vero debet priorem provincialem instituere.