288
Ordinationes in visitationibus canonicis factæ in suo robore manent usque ad sequentem visitationem a simili potestate peractam.
Ordenacio
Start Date
287
Ordinationes superiorum eorumque vices gerentium cessant cum eorum officio, salvo n. 284.
Ordenacio
Start Date
286
Ordinationes quæ in statuto provinciæ inveniuntur vim retinent usque ad revocationem per capitulum provinciale, salvo n. 279 § III.
Aliæ ordinationes capituli provincialis durant usque ad diem quo vigere incipiunt acta capituli sequentis.
Ordenacio
Start Date
285
- Ordinationes quæ in vigore permanserunt per quinque duo capitula continua et in sexto tertio fuerunt adprobatæ in librum constitutionum et ordinationum inserantur. Si non insertæ fuerint, abrogatæ considerandæ sunt, nisi a capitulo generali denuo instituantur.
- Ordinationes quæ in libro constitutionum et ordinationum inveniuntur per capitulum generale revocari possunt usque ad proximum capitulum; si vero secundum capitulum primum confirmet definitive abrogantur (cf. appendicem n. 2).
Ordenacio
Start Date
282
Constitutiones et ordinationes capitulorum generalium promulgantur per editionem in actis capitulorum generalium vel alio modo ab iisdem capitulis determinato et, nisi aliud expresse statuatur, vigere incipiunt post duos menses a promulgatione, computando a die quo inscribuntur litteræ quibus magister Ordinis exhibet fratribus acta capituli.
Ordinationes vero magistri Ordinis promulgantur et obligare incipiunt
modo ab ipso determinato.
Ordenacio
Start Date
274
Deputatio ordinarie non fiat ultra sex menses. Exceptionaliter vero, præcipue ratione docendi, fieri potest ad annum.
Ordenacio
Start Date
273
Deputatio dicitur fratris destinatio alicui provinciæ vel conventui ad tempus, a superiore maiori in scriptis facta imponens obligationes assignationis quæ expresse non excluduntur, non autem tribuens eius iura, salvo tamen iure participandi in electionibus conventus suæ assignationis.
Ordenacio
Start Date
272
Litteræ assignationis coram communitate in conventu ad quem
frater mittitur, quamprimum non ultra hebdomadam ab earum receptione legantur. A quo momento incipit adscriptio fratris huic conventui, etiamsi ipse tunc adesse non potuerit.
Superior autem adnotet factum in libro consilii et de eo certiorem faciat superiorem conventus prioris assignationis.
Ordenacio
Start Date
271
- Capitulum generale vel magister Ordinis ad quamcumque provinciam aut conventum fratres libere assignare potest.
- Capitulum autem provinciale vel prior provincialis assignationes facere potest in sua provincia.
- Capitulum provinciale vel prior provincialis fratrem alius provinciæ ad suam provinciam assignare potest de consensu capituli provincialis vel prioris provincialis provinciæ affiliationis, monito tamen magistro Ordinis.
- Frater qui ad normam § I vel § III ad provinciam simpliciter assignatus fuerit, indiget præterea quam primum assignatione conventui determinato.
- Fratrum assignationes directæ et indirectæ ratione studiorum fiant in scriptis (cf. appendicem n. 13).
Ordenacio
Start Date
269
Potest de una ad aliam provinciam transfiliatio fieri a magistro Ordinis, de consensu tamen utriusque prioris provincialis et sui cuiusque consilii.
Ordenacio
Start Date