Omnes contractus, quando fieri potest, nomine personæ moralibus a lege agnitæ fiant et unum exemplar insuper in tabulario respectivi syndici provinciæ vel Ordinis conservari debet.

1. Haud fratribus singulis sed solis personis moralibus in Ordine, cum consensu respectivi consilii, pias fundationes vel alia dona cum obligationibus duraturis vel onerosis acceptare liceat. 
2. Omnes acceptationes onerosæ requirunt insuper consensum consilii provinciæ et non de facili admittantur quæ obligationem diu duraturam imponant.

Missæ quæ debito tempore a patribus conventus celebrari non possunt, ad priorem provincialem mittantur, quæ vero in provincia supersunt, ad magistrum Ordinis.

1. Syndicus Ordinis modo pro syndico provinciæ statuto rationem reddat magistro Ordinis et suo consilio. 
2. Annis in quibus capitulum generale celebratur, relatio syndici Ordinis, a consilio œconomico Ordinis examinata et analyzata atque a magistro Ordinis cum consilio eius approbata, sessioni plenariæ capituli præsentetur.