Skip to main content

470

Electus in ipsis litteris confirmationis acceptationem vel recusationem suam propria manu subsignet, diem notando, coram duobus testibus qui eas et ipsi subscribant. Si vero renuntiat, rationes suæ renuntiationis priori provinciali exponat. Ille qui renuntiat vel qui infra quinque dies post acceptas litteras confirmationis non acceptaverit, omne ius e confirmatione quæsitum amittit.
Ordenacio
Confirmed ACG 1968 River Forest n.
Start Date

468

Prior provincialis ante confirmationem petere tenetur consensum: magistri Ordinis, si electus vel postulatus sit assignatus in conventu immediatæ iurisdictioni eiusdem magistri Ordinis subiecto; prioris provincialis provinciæ assignationis, si electus vel postulatus sit assignatus in alia provincia (cf. 270 § I); atque etiam prioris provincialis provinciæ affiliationis, si extra provinciam suæ affiliationis assignatus fuerit.
Ordenacio
Confirmed ACG 1968 River Forest n.
Start Date

463

Electioni præsit supprior in capite vel, eo deficiente, frater electus unico scrutinio ab ipsis vocalibus e gremio eligentium nisi prior provincialis sive per se sive per alium præesse voluerit.
Ordenacio
Confirmed ACG 1968 River Forest n.
Start Date

462

Si vero supprior in capite vel præses post quattuor dies ab habita notitia vacationis prioratus, a maioritate vocalium requisitus, vocales congregare noluerit (cf. n. 461 § I), antiquior in Ordine ex vocalibus eos convocet. Quod si ipse noluerit, alius antiquior post illum, et sic de ceteris.
Ordenacio
Confirmed ACG 1968 River Forest n.
Start Date

458

Fratres qui ratione muneris extra conventum suæ assignationis residentiam habitualem habent, in electione prioris voce non gaudent nisi post suum reditum definitivum (cf. appendicem n. 19). Pro ceteris casibus diuturnæ absentiæ vel notabilis distantiæ fratrum a conventu suæ assignationis, capitulum provinciale determinet condiciones sub quibus iidem fratres in electione prioris participare valeant (cf. n. 336).
Ordenacio
Confirmed ACG 1968 River Forest n.
Start Date

455-ter

  1. Si leges nostræ provideant electionem per litteras (cf. n. 455-bis), permittitur etiam electio per instrumenta electronica. 
  2. Pertinet ad priorem provincialem cum consensu sui consilii decernere utrum electio facienda sit per litteras vel per instrumenta electronica, et eligere instrumentum electronicum aptum et bonæ famæ. 
  3. Electio per instrumenta electronica procedit iuxta normas sequentes: 
    1. præses mittat omnibus vocalibus instructiones ad accedendum ad instrumentum electronicum electum; 
    2. infra tempus a præside statutum, quilibet vocalis suffragium suum præbet iuxta instructiones receptas; 
    3. elapso tempore præfixo pro suffragio, præses verificet exitum in conspectu consilii provincialis vel duorum scrutatorum a consilio adprobatorum; 
    4. procedatur ad normam n. 455-bis § II, 5°, 6° et 7°. 
  4. Ad validitatem electionis per instrumenta electronica requiritur ut: 
    1. nullus vocalis excludatur ab electione propter instrumentum electum; 
    2. nullus frater vocem passivam habens excludatur ab electione vocalium propter instrumentum electum;
    3. verificetur ut soli vocales suffragium tulerint, et nullus vocalis plura suffragia tulerit; constet solos vocales suffragium tulisse, et quidem unumquemque semel tantum; 
    4. suffragia singulorum vocalium secreta maneant. 
  5. Pertinet capitulo provinciali ad capitulum provincialem alias normas perficere pro electionibus per instrumenta electronica.
Ordenacio
Technice ACG 2019 Biên Hòa n. 413
Definitive ACG 2022 Tultenango n. 355
Start Date

455-bis

  1. Si leges nostræ sic provideant, electio per litteras haberi potest iuxta normas sequentes: 
    1. infra tempus a præside statutum, quilibet vocalis suffragium suum in aliqua schedula scribat ad normam n. 452, 6°; 
    2. deinde, schedula in involucro intromissa, super ipsum involucrum bene clausum scribat manu propria suum nomen et locum residentiæ. Postea illud in alio involucro includat et mittat ad præsidem cum alia inscriptione, tali modo quod possit de facili discerni. 
  2. Elapso tempore præfixo pro receptione schedularum, præses cum consilio provinciali vel cum duobus scrutatoribus a consilio approbatis scrutinium faciat: 
    1. omnibus involucris externis coram consilio vel scrutatoribus apertis, examinentur nomina electorum super interiora involucra scripta ad videndum utrum unusquisque eorum condiciones pro voce activa requisitas habeat; si non habeat, pro nullo habeatur suffragium; 
    2. comparentur numeri vocalium et involucrorum; 
    3. involucra aperiantur et, antequam schedulæ explicentur, ipsa deleantur; 
    4. examinentur suffragia ad normam n. 452, 9°, 10°, 11°; 
    5. si maioritas pro electione vel postulatione requisita obtinetur, tunc formetur a præside decretum electionis et instrumentum authenticum electionis conficiatur. De exitu electionis omnes vocales certiores fiant; 
    6. si vero maioritas absoluta in primo scrutinio non obtinetur, præses determinet tempus pro novo et ultimo scrutinio faciendo, et de omnibus peractis vocales certiores faciat (cf. appendicem 18-bis); 
    7. capitulum tamen provinciale potest determinare, ut procedatur ad tertium vel etiam quartum scrutinium, si in secundo vel tertio adhuc maioritas absoluta non obtinetur.
Ordenacio
Acceptata ACG 2016 Bologna n. 311
Secunda ACG 2019 Biên Hòa n. 412
Definitive ACG 2022 Tultenango n. 354
Start Date

455

Litteræ confirmatoriæ non ad electum aut postulatum mittantur sed ad eius superiorem vel ad alium fratrem, qui eas ipsi tradant.
Ordenacio
Confirmed ACG 1968 River Forest n.
Start Date

453

Quando electio confirmatione indiget, instrumentum electionis conficiatur per modum processus verbalis, in duplici exemplari. Ibi adnotentur diversa scrutinia et etiam, si adfuerint, exceptiones contra validitatem electionis, dummodo tempore utili factæ fuerint (cf. n. 452, 3°, 12°, 15°). Unum exemplar ad confirmatorem mittatur; alterum vero in archivo conventus vel provinciæ asservetur (cf. appendicem n. 18). Quando autem electio confirmatione non indiget, unum exemplar electionis, prædicto modo subscriptum tradatur electo, salvis nn. 515 § V et 532, 3°, alterum vero una cum processu verbali in tabulario asservetur (cf. appendicem nn. 27, 28, 30).
Ordenacio
Confirmed ACG 1968 River Forest n.
Start Date

452

In ipso actu electionis superiorum sic procedatur: 

  1. electoribus coadunatis tempore et loco statutis atque Spiritu Sancto invocato, præses, scrutatores et actuarius iusiurandum interponant de munere fideliter implendo ac de secreto servando circa acta in comitiis etiam expleta electione; 
  2. actuarius proferat nomina singulorum qui debent iure adesse ut electores; ipsi vero respondeant, si adsint;
  3. exceptiones, si quæ sint, contra admissionem vel exclusionem alicuius vocalis, debent tunc opponi; 
  4. præses in memoriam vocalium revocet quod suffragium sibimetipsi nemo valide dare potest; 
  5. schedulis iam ab actuario distributis, vocales suffragium suum scribant, hoc modo: eligo vel postulo N.N. indicando nomen et cognomen. In omni casu adhibenda est formula completa: eligo vel postulo; 
  6. si quis ex vocalibus præsens in conventu ob infirmitatem in cella retineatur, tunc scrutatores illum simul adeant eiusque suffragium scriptum exquirant. Si infirmus vero scribere nequeat, potest alii suum suffragium scribendum committere aut etiam viva voce ipsis scrutatoribus manifestare a quibus tamen illud statim scripto consignetur; 
  7. scrutatores deinde vocales incipiendo a maioribus, singillatim schedulam suam complicatam in urnam apertam deponant; 
  8. schedulæ a scrutatoribus enumerentur. Si numerus earum non excedat numerum eligentium, tunc explicentur; secus statim deleantur, et electores novam schedulam scribant; 
  9. scrutatores schedulas legant et suffragia adnotent; 
  10. scrutatores suas adnotationes inter se conferant et postquam easdem concordes invenerint, schedulæ deleantur; 
  11. deinde præses legat alta voce nomina singulorum qui aliquod suffragium retulerint; 
  12. exceptiones, si quæ sint, contra formam ipsius actus electionis, debent tunc opponi; 
  13. de consensu maioritatis, processus electionis inter scrutinia interrumpi potest, sed ultimum scrutinium eadem die habeatur; 
  14. si maioritas requisita obtinetur, præses declaret fratrem N.N. canonice electum vel postulatum in tale vel tale officium. Si præses electus fuerit, declaratio proferatur a primo scrutatore; 
  15. exceptiones, si quæ sint, contra personam electi, debent tunc opponi; 
  16. instrumentum electionis conficiatur a præside, a scrutatoribus et ab actuario subsignatum.
Ordenacio
Provisorium ACG 2010 Romæ n. 283
Definitive ACG 2013 Traugurii n. 253
Start Date
Subscribe to