1. Ut quis valide eligi possit in priorem regionalem vicarium provincialem, salvo n. 443, requiritur ut: 
   1. triginta compleverit annos a sua nativitate, decem vero a prima professione; 
   2. non fuerit prior regionalis vicarius provincialis in eadem regione vicariatu per duo quadriennia mandata immediate præcedentia. 
2. Si quis frater eligi nequeat ex defectu unius vel plurium condicionum de quibus in § I, 1° et 2°, fratres eum postulare possunt a priore provinciali, qui dispensare provideat potest ab interstitiis et providere ad normam n. 467.

Electores sunt fratres, voce activa gaudentes, in vicariatu directe assignati, vel indirecte ratione officii.

1. Si statutum vicariatus determinaverit ut vicarius per electionem designetur, præses electionis est ille frater qui actu regit vicariatum ad normam n. 385, § II, 2°, vel eo deficiente antiquior in Ordine e superioribus huius regionis statuti vicariatus vel alius frater forte a priore provinciali institutus. 
2. Ei competit, audito consilio regionali vicariatus, determinare et omnibus vocalibus notificare tempus electionis, infra tamen mensem a cognita vacatione officii.

Oportet quod novitii spiritu missionario imbuantur, hominum in mundo viventium condiciones et necessitates agnoscant, et sciant “qualiter ferventes in prædicatione esse debeant tempore opportuno”.1 Institutio proinde non tantum theorica verum etiam practica sit, per aliquam etiam participationem ad Ordinis activitates apostolicas.