1. Ministerium prædicationis opus communitarium est et ad universam communitatem primo pertinet; unde in traditione Ordinis conventus sæpe “sacra prædicatio” vocatur. 
   II. Fratres cooperatores partem habent in apostolatu totius communitatis non solum labore suo quo necessitatibus conventus provident, sed etiam ministerio proprie dicto, tam cum fratribus presbyteris cooperando quam secundum indolem suam activitatem apostolicam exercendo.
2. III. Superior una cum fratribus hoc munus commune prædicationis ponderet et recipiat, ut communitas integra responsabilis fiat; firmo tamen iure superioris decidendi et aliquod ministerium particulare acceptandi.
3. IV. In colloquiis fraternis fratres experientias et quæstiones apostolicas inter se conferant ut eas studio communi subiciant et iunctis viribus in cœtibus specialibus ministerium efficacius exercere valeant.

1. Ministerium prædicationis opus communitarium est et ad universam communitatem primo pertinet;
2. Fratres cooperatores partem habent in apostolatu totius communitatis non solum labore suo quo necessitatibus conventus provident, sed etiam ministerio proprie dicto, tam cum fratribus sacerdotibus cooperando quam secundum indolem suam activitatem apostolicam exercendo.
3. Superior una cum fratribus hoc munus commune prædicationis ponderet et recipiat, ut communitas integra responsabilis fiat; firmo tamen iure superioris decidendi et aliquod ministerium particulare acceptandi.
4. In colloquiis fraternis fratres experientias et quæstiones apostolicas inter se conferant ut eas studio communi subiciant et iunctis viribus in cœtibus specialibus ministerium efficacius exercere valeant.

Singulis annis, ante finem mensis augusti, adiuvantibus eorum syndicis, priores provinciales, priores vice-provinciales, vicarii generales et praefecti institutorum sub immediata magistri Ordinis iurisdictione mittere tenentur Ordinis magistro:

1. Annuam relationem oeconomicam, id est, integram propositionem de statu oeconomico suae cuiusque entitatis. Pecunia accepta, expensae, crediti et debiti compensatio, anni ratio praesumpta, necnon consilia inita aut ineunda singillatim in ea describantur. Si autem plures domus vel instituta habeat entitas, idem faciendum est pro singulis. Etsi huius relationis forma pro aliis locis alia potest esse, relatio totum hic requisitum testimonium continere debet. Quo haec facilius fiant, apud syndicum Ordinis formae huius exemplum praesto sit.
2. Responsum de contributionum taxatione, necessarium ad contributiones entitatum Ordinis annuas supputandas. Ex responso enim eruetur quot sint bona erogata in formandis fratribus et in subveniendo aliis entitatibus Ordinis, et quot bona remaneant contributioni obnoxia. Ad hunc finem a syndico Ordinis quaestionarium quotannis mittatur, cuius forma unica esse debet pro omnibus entitatibus.

§ I. – Singulis annis prior provincialis, prior vice-provincialis et vicarius generalis necnon praeses institutorum quae ab Ordine subsidia recipiunt mittant infra quinque menses post finem uniuscuiusque anni administrationis relationes suas oeconomicas directe magistro Ordinis. (M, n. 322; C, n. 199)
 

§ II. – Praeterea, singulis annis, prior provincialis, prior vice-provincialis et vicarius generalis mit- tant magistro Ordinis responsum ad quaestionarium de maioribus rebus oeconomicis a syndico Ordinis paratum et a magistro Ordinis adprobatum.

Ad collaborationem inter provincias unius regionis vel nationis fovendam haberi possunt: 

1. colloquia periodica inter priores provinciales vel diversos officiales, ut magistros novitiorum, fratrum studentium et cooperatorum, regentes, professores, promotores, etc.;
2. sessiones vel commissiones interprovinciales pro problematum communium studio;
3. promotores nationales vel regionales pro diversis operibus;
4. novitiatus vel studentatus communis vel centra communia, iuxta normas a magistro Ordinis adprobandas;
5. conventio, de consensu magistri Ordinis ineunda, pro erectione conventuum interprovincialium, necnon pro assignationibus faciendis de una provincia ad alteram.

Officiales vicariatus regionalis prout a capitulo provinciali determinatum fuerit instituantur ad normam statuti.