Rosarium mariale cum sit via ad contemplanda mysteria Christi et schola ad vitam evangelicam efformandam habeatur ut forma prædicationis Ordini consentanea, in qua doctrina fidei exponitur sub luce participationis B.V. Mariæ in mysterio Christi et Ecclesiæ.

Unde fratres praxim rosarii, ferventer prædicent ut in dies vividior fiat eiusque associationes promoveant.

Provincia planificationem totius apostolatus conficiat et fratres ad eum præparet necnon coordinationem virium disponat ratione habita unitatis, vigoris et continuitatis apostolatus. Quæ planificatio respiciat necessitates actuales Ecclesiæ et eiusdem provinciæ necnon futuram problematum evolutionem.

1. Superioris conventus praecipue est:
   1. providere ut cum professoribus conventuum studiorum aut aliis peritis sive Ordinis sive extraneis, frequentia opportuna, habeantur collationes et communia colloquia circa quæstiones doctrinales, eas speciatim quæ ministerium fratrum respiciunt;
   2. curare ut bibliotheca instructa sit libris necessariis, et pecuniæ summa sufficiens quotannis impendatur ad illam locupletandam.
2. Habeatur lector conventualis studiorum qui superiorem in vita intellectuali communitatis fovenda adiuvet, nisi ipse superior hoc munere fungatur.

In morte cuiuslibet fratris: 

1. Conventus ubi moritur et conventus cui frater erat assignatus celebrent pro eo officium et Missam defunctorum.
2. In tota provincia affiliationis:
   1. quilibet sacerdos et quilibet conventus celebrent unam Missam; 

   2. quilibet frater non sacerdos participet unam Missam. 

      Idem fiat in conventu assignationis, si frater extra provinciam affiliationis assignatus fuerit.

3. In toto Ordine:
   1. in morte magistri Ordinis quilibet presbyter celebret unam Missam, quilibet frater non presbyter participet unam Missam;
   2. in morte magistri et ex-magistri Ordinis quilibet conventus celebret Missam defunctorum.