Skip to main content

617

  1. Nullus frater ullam acceptet partem in administratione bonorum personarum extranearum Ordini, sive sint personæ physicæ sive morales iuridicæ, nisi in casu exceptionali et tunc de licentia prioris provincialis. 
  2. Si huic administrationi adnexa sit obligatio rationis reddendæ, tunc licentia difficilius a priore provinciali concedatur, et ad tempus stricte necessarium.
Constitutio
In fieri:
No
Technice ACG 2019 Biên Hòa n. 432
Valere coepit:
Primo promulgata:

607

  1. Debita et obligationes contrahendæ non permittantur, nisi certo constet ex consuetis reditibus debiti fœnus solvi et intra tempus non nimis longum per amortizationem reddi summam capitalem.
  2. In precibus pro obtinendo consensu ad contrahenda debita vel obligationes exprimi debent, sine ulla exceptione, omnia alia debita et obligationes quibus contrahens ad diem gravatur, secus obtenta venia invalida est.
  3. Contractus de debitis vel obligationibus contrahendis examini consilii œconomici subsint.
Constitutio
In fieri:
No
Confirmed ACG 1968 River Forest n.
Valere coepit:
Primo promulgata:

606

Omnes contractus alicuius momenti de rebus œconomicis in scriptis fiant iuxta normas in statuto administrationis provinciæ stabilitas.
Constitutio
In fieri:
No
Confirmed ACG 1968 River Forest n.
Valere coepit:
Primo promulgata:

598

Fratribus itinerantibus concedatur necessaria pecunia a superiore, cui rationem de ea et de aliis extra domum conventum acceptis reddant post itineris finem.

Constitutio
In fieri:
No
Technice ACG 2013 Traugurii n. 266
Valere coepit:
Primo promulgata:

562

Quilibet frater, qui ex officio vel ex deputatione habet administrationem bonorum, de ea tenetur rationem reddere.
Constitutio
In fieri:
No
Confirmed ACG 1968 River Forest n.
Valere coepit:
Primo promulgata:

557

Salvo n. 543, quilibet frater, etiam si sit superior, pecunias aut emolumenta cuiusvis generis syndico tradere tenetur, ut accurate in registris referantur atque, servato iure alicuius tertii, bonis communitatis aggregentur.
Constitutio
In fieri:
No
Confirmed ACG 1968 River Forest n.
Valere coepit:
Primo promulgata:

551

Servato iure ecclesiastico et nostro, in administratione œconomica omnes condiciones a lege civili requisitæ adamussim serventur.
Constitutio
In fieri:
No
Confirmed ACG 1968 River Forest n.
Valere coepit:
Primo promulgata:

550

Bona temporalia tum immobilia tum mobilia administrari debent iuxta normas iuris ecclesiastici et legum nostrarum necnon secundum statuta specialia administrationis provinciæ vel Ordinis.
Constitutio
In fieri:
No
Confirmed ACG 1968 River Forest n.
Valere coepit:
Primo promulgata:

549

Ad Ordinem pertinent: 

  1. bona immobilia, mobilia et capitalia tum Ordinis tum institutorum magistro Ordinis immediate subiectorum, eorumque reditus;
  2. fructus operis fratrum in iis institutis et in curia generalitia laborantium, necnon dona illis omnibus largita sine condicione speciali, salvo n. 600;
  3. contributiones provinciarum a capitulo generali taxatæ; contributiones conventuum vel institutorum immediate subiectorum magistro Ordinis, ab ipso cum suo consilio taxatæ;
  4. omnes alii proventus intuitu Ordinis advenientis.
Constitutio
In fieri:
No
Confirmed ACG 1968 River Forest n.
Valere coepit:
Primo promulgata:

548

Ad provinciam pertinent, nisi aliud a capitulo provinciali statuatur: 

  1. fructus laboris prioris provincialis;
  2. dona facta in favorem provinciæ;
  3. dona facta pro postulantium, novitiorum et studentium educatione necnon pro sustentatione missionum aut pro aliis operibus, quæ a provinciæ directione pendent;
  4. fructus ex operibus et institutis, quorum provincia assumpserit expensas;
  5. fructus laboris fratrum extra propriam provinciam assignatorum vel laborantium, ad normam n. 600;
  6. hæreditaria filiorum provinciæ bona cuiusvis generis necnon legata libera, id est, quæ fratribus, absque ulla benefactoris intentione prius in scriptis vel coram testibus manifestata relinquuntur, salvo n. 200;
  7. bona immobilia vel mobilia vel capitalia decursu temporis a provincia acquisita, eorumque reditus;
  8. contributiones conventuum a capitulo provinciali taxatæ.
Constitutio
In fieri:
No
Confirmed ACG 1968 River Forest n.
Valere coepit:
Primo promulgata:
Subscribe to