140
Post editum librum, unum exemplar ad archivum Ordinis et aliud ad archivum provinciæ mittatur.
Ordenacio
In fieri:
No
Valere coepit:
Primo promulgata:
139
Prae oculis semper habebunt fratres eorum publicas interventiones (in libris, diariis, radio et televisio, aliisque instrumentis communicationis socialis) non tantum in ipsos sed etiam in fratres eorum et Ordinem et Ecclesiam redundare. Quamobrem sedulo invigilent ut crescat mens dialogi et mutuæ responsabilitatis in iudicio eligendo tam cum fra tribus quam cum superioribus eorum. Peculiarem attentionem ferant huic critico dialogo cum superioribus maioribus si eorum dicta vel scripta ad materias disputatas alicuius momenti spectant.
Ordenacio
In fieri:
No
Valere coepit:
Primo promulgata:
138
Fratres adprobati in examine Ordinis ad confessiones audiendas, ipso facto adprobationis ab examinatoribus subscriptæ, facultatem delegatam possident super personas Ordini subiectas, monialibus exceptis, et super alias diu noctuque in domibus conventibus nostris degentes (CIC 967–969).
Ordenacio
In fieri:
No
Valere coepit:
Primo promulgata:
137
Fratres non prædicent intra terminos alius provinciæ, sine prævio illius prioris
provincialis consensu saltem habitualiter concesso.
Ordenacio
In fieri:
No
Valere coepit:
Primo promulgata:
136
Fratres ad prædicandum et ad confessiones audiendas debita facultate sint præditi (CIC 764–765, 966 et seq.).
Ordenacio
In fieri:
No
Valere coepit:
Primo promulgata:
134
Apostolatus noster in ambitu sociali debet esse et apparere verum hominum servitium,
confirmatum operibus ac rebus pro eis impensis, et maxime insignitum plena libertate
evangelica, præsertim a quacumque factione independens.
Ordenacio
In fieri:
No
Valere coepit:
Primo promulgata:
133
Problemata humana et moralia, quæ ex novis semper adiunctis exsurgunt, diligenter
investigare satagant fratres una cum diversarum rerum socialium peritis, attentione
habita ad aspectus theologicos harum quæstionum.
Ordenacio
In fieri:
No
Valere coepit:
Primo promulgata:
132
- Interest in primis populi Dei conscientiam illuminare circa omnes exigentias suæ insertionis in societatem humanam, et eum excitare ut cum omnibus bonæ voluntatis hominibus, in unum conatum et laborem vires coniugantur ad regnum iustitiæ, amoris fraterni et pacis in terris firmandum.
- Ad hoc obtinendum laicorum præcipue formationem adiuvare oportet, eorumque missionem et actionem propriam in societate hodierna ædificanda agnoscere et fovere.
Ordenacio
In fieri:
No
Valere coepit:
Primo promulgata:
131
Munus prædicationis regni coelorum, quod iam inchoatum est per Incarnationem Verbi Dei et ad restaurationem omnium rerum in Christo tendit, nos ad promovendum rectum societatis ordinem urget. Rectus societatis ordo, ad quem promovendum munus praedicationis nos urget, tamquam exigentia habeatur diffusionis regni caelorum, quod per Incarnationem Verbi Dei inchoatum, in universali hominum coetu compleri oportet.
Ordenacio
In fieri:
No
Valere coepit:
Primo promulgata:
130
- Fratres ut præcones Evangelii Christi, magnæ responsabilitatis pro unitate populi Dei conscii, curent spiritum œcumenicum inter catholicos fovere ut opus reconciliationis semper maius incrementum accipiat.
- Investigationes theologicæ circa quæstiones œcumenicas locum eminentem obtineant, et fratres debita præparatione scientifica formati in sincera collaboratione cum aliis theologis specializatis et institutis opus œcumenicum promoveant.
Ordenacio
In fieri:
No
Valere coepit:
Primo promulgata: