Skip to main content

415

  1. Facta convocatione, fratres quibus ius competit, ad magistrum vel vicarium Ordinis transmittant petitiones vel quaestiones, quas capitulo velint proponere.
  2. Ius proponendi competit, praeterquam vocalibus capituli:
    1. omnibus superioribus maioribus, adsistentibus magistri Ordinis et procuratori generali et adsistentibus magistri Ordinis;
    2. cuilibet capitulo et consilio necnon moderatorio studii;
    3. cuique religioso, dummodo eius propositio a quinque saltem fratribus voce activa gaudentibus subsignata fuerit, vel praesentetur per aliquem ex vocalibus cuius erit iudicare utrum petitio proponi debeat necne;
    4. monasteriis vel foederationibus monialium nostrarum; foederationibus monialium nostrarum consiliis provincialibus vel nationalibus fraternitatum S. Dominici.
  3. Consilia generalitia vel fœderationes congregationum Ordini aggregatarum desideria et suggestiones relate ad familiam dominicanam capitulo generali proponere possunt.
  4.  
    1. III.1. Quaestiones capitulo generali proponendae, ab iis quibus ius vel facultas competit, ad magistrum Ordinis mittantur quatuor mensibus ante celebrationem capituli;
    2. III.2. breviter exponantur et etiam latino sermone saltem compendiose conscribantur, atque tot in foliis separatis proponantur quot distinctae sint quaestiones.
  5.  
    1. IV.1. Magister Ordinis curabit ut quaestiones, de quibus in § III IV, 1° pro diversa materia diversis commissionibus assignatae, quamprimum singulis vocalibus membris capituli communicentur;
    2. membra harum commissionum sunt: fratres vocem habentes in capitulo, inclusis sociis priorum provincialium et diffinitorum iure eligendi fruentibus (cf. n. 407 § III); adsistentes magistri Ordinis ab ipso magistro designati (cfr. n. 410 § I); priores provinciales de quibus in n. 258, vice-provinciales et vicarii generales territoriorum nullius provinciae vel vice-provinciae ad normam n. 410 § II;
    3. IV.2. tunc vocales ii omnes statim magistro Ordinis indicent, secundum ordinem praeferentiae, tres commissiones ad quas pertinere desiderant, salvo semper iure magistro Ordinis secundum necessitates capituli libere disponendi;
    4. IV.3. deinde magister Ordinis praesides commissionum instituat et vocales capitulares certiores faciat de commissione cui unusquisque adscriptus fuit ut interim hi quaestiones accuratius perpendant quae ad propriam commissionem assignatae sunt.