Acceptata ACG 1971 Tallaght n. 87

Vocales capituli provincialis sunt:

1.  
   1. priores regionales;
   2. vicarii provinciales electi ad normam n. 389;
   3. priores conventuales;
   4. socii priorum euntium ad capitulum, ad normam n. 490;
   5. delegati fratrum, ad normam nn. 497─501;
   6. prior provincialis qui immediate ante capitulum officium in ipsa sua provincia explevit.
2. Si in statuto provinciae determinatum fuerit, periti ab omnibus vocalibus provinciae directe electi ad normam nn. 485-488.
3. Si in statuto provinciae determinatum fuerit, domus non prioralis potest unum delegatum mittere ad capitulum provinciale, ad instar conventus, quando domus ista erigitur in natione alienigena ubi nulla praesentia dominicana existit.