Interest in primis populi Dei conscientiam illuminare circa omnes exigentias suæ
insertionis in societatem humanam, et eum excitare ut cum omnibus bonæ voluntatis
hominibus, in unum conatum et laborem vires coniugantur ad regnum iustitiæ, amoris
fraterni et pacis in terris firmandum.
Ad hoc obtinendum laicorum præcipue formationem adiuvare oportet, eorumque missionem et
actionem propriam in societate hodierna ædificanda agnoscere et fovere.