Subtitle
Art. V
De officialibus provinciæ
- Sit in qualibet provincia socius prioris provincialis qui in regimine provinciæ adiutorium ei præbeat.
- Socius sit presbyter qui trigesimum saltem ætatis annum iam attigerit.
- Instituatur a priore provinciali de consensu diffinitorii capituli provincialis.
Socius ordinarie non sit superior localis nec parochus.
constitutio
Historia Revisionum
- Confirmata ACG 2016 Bologna n. 290
- Adprobata cum ordinatione ACG 2013 Traugurii n. 230
- Inchoata cum ordinatione ACG 2010 Romæ n. 276
- Adprobata cum ordinatione ACG 2010 Romæ n. 276
- In qualibet provincia sit syndicus qui de bonis provinciæ curam habeat secundum normas pro administratione statutas.
- Frater qui hoc officio functus fuerit, immediate potest iterum institui, non autem tertio, nisi de consensu magistri Ordinis.
Nec prior provincialis nec superior localis munere syndici provinciæ fungi possunt.
Ad capitulum provinciale pertinet instituere diversos officiales iuxta exigentias cuiusque provinciæ eorumque munera determinare.
Archivista, a capitulo provinciali institutus, curam habet de archivo provinciæ in quo deponantur:
- documenta quæ, sive apud priorem provincialem sive apud officiales servata, pro regimine ordinario amplius necessaria non sunt;
- documenta conventuum suppressorum;
- scripta inedita, epistolæ vel alia documenta fratrum defunctorum aut etiam extraneorum, quæ pro historia provinciæ alicuius momenti apparent.
Prior provincialis habeat archivum secretum in quo serventur documenta secreta, de quorum merito successorem suum certiorem reddere tenetur. Elapsis septuaginta annis post mortem fratrum de quibus in documentis agitur, ista comburantur, dummodo hoc fieri queat sine præiudicio erga eos qui adhuc vivunt, salvo iure civili attentis dispositionibus iuris civilis.
Documenta ad regimen et administrationem actualem provinciæ spectantia, sive apud secretariatum provinciæ, sive apud respectivos officiales servanda sunt (cf. appendicem n. 15).