Subtitle
Art. V
De regimine domorum
Superior in sua domo habet potestatem ordinariam ad normam iuris, sicut prior in suo conventu et ad easdem obligationes, servatis servandis, tenetur.
constitutio
Historia Revisionum
- Abrogatus ACG 2001 Providence n. 490
- Inchoata cum ordinatione ACG 1998 Bologna n. 261
In provinciis ne sint domus quae non constent saltem ex quattuor fratribus.
constitutio
Historia Revisionum
- Confirmata ACG 2016 Bologna n. 283
- Adprobata ACG 2013 Traugurii n. 227
- Inchoata ACG 2010 Romæ n. 273
- Superior domus ad triennium, auditis fratribus domus, instituitur a priore provinciali, vel a priore regionali, si agatur de fratre in vicariatu regionali assignato et nisi statutum vicariatus aliter provideat. Et ad alterum triennium immediate subsequens potest eodem modo institui, non autem ad tertium.
- Elapso triennio, prior provincialis vel regionalis tenetur instituere superiorem infra mensem. Superior tamen domus in officio permaneat usquedum eius successor præsens sit in domo, nisi prior provincialis aliud determinaverit.
Consilium domus non sit a capitulo distinctum. Superior vero nihil determinet quin
vocales audiat vel eorum consensum obtineat in iis pro quibus prior conventualis
consilio vel consensu indiget.
In casu necessitatis, de iudicio prioris provincialis, superior ipse munere syndici fungi potest.
-
- Domus filialis ab aliquo conventu dependens constitui potest a capitulo provinciali;
- prior conventus vel superior domus vicarium instituat qui in omnibus sese gerat iuxta determinationes ab eodem datas.
- Normæ de modo instituendi vicarium, de destinatione fratrum ad domum filialem, de eorum iuribus et obligationibus erga conventum, a capitulo provinciali statuantur.
- Fratres in domo filiali degentes, etsi in conventu assignati, non computantur ad numerum fratrum pro conventu proprie dicto requisitum.
Capitulum provinciale determinet normas pro fratribus extra conventum aut extra domum degentibus, præsertim circa iura et obligationes erga conventum suæ assignationis.
Quæ supra de conventibus et de domibus statuta sunt valent etiam pro conventibus et domibus qui immediate magistro Ordinis subiciuntur, nisi, in casu particulari, ipse magister Ordinis aliter determinaverit.