Skip to main content

De capitulo conventuali

Art. II
307
constitutio
  • Confirmed ACG 1968 River Forest n.
Historia Revisionum
Capitulum conventuale est coadunatio fratrum, præside priore, ad tractandum vel decernendum de iis quæ ad vitam communem et apostolicam necnon ad bonam administrationem conventus spectant.
308
constitutio
  • Confirmed ACG 1968 River Forest n.
Historia Revisionum
  1. Ad capitulum pertinent fratres qui voce activa gaudent in conventu.
  2. Quando agitur de acceptatione ad professionem, omnes fratres sollemniter professi votum habent et convocari debent, ad normam n. 208.
309
ordenacio
  • Definitive ACG 2016 Bologna n. 278
  • Secunda ACG 2004 Kraków n. 365
  • Acceptata ACG 2001 Providence 2001 n. 488
Historia Revisionum
  1. Capitulo adsit secretarius, unico scrutinio ab eodem electus. Res deliberatas et resolutiones capituli in libro ad hoc deputato conscribat. 
  2. De iudicio prioris, consentiente capitulo ad illud quandoque possunt vocari et audiri fratres professi non vocales, quin tamen habeant votum.
310
constitutio
  • Confirmed ACG 1968 River Forest n.
Historia Revisionum

Capituli est: 

  1. eligere priorem necnon socium vel socios prioris euntis ad capitulum provinciale, salvo n. 490;
  2. consensum dare ad institutionem vel amotionem supprioris proponente priore;
  3. eligere membra consilii conventualis, ad normam n. 315, 2°;
  4. suffragium ferre, ad normam nn. 192, 196, 202, 206, 207, pro admissione fratrum ad professionem;
  5. mittere ad capitulum provinciale et generale petitiones vel quæstiones ibi examinandas;
  6. eligere lectorem conventualem.
311
ordenacio
  • Technice ACG 2007 Bogotá n. 297
Historia Revisionum
  1. Capituli etiam est:
    1. vitam communitatis ordinare, infra limites legum nostrarum, in iis quæ secundum determinationem capituli provincialis, iudicio conventus relinquuntur;
    2. negotia graviora iudicio præsidis circa apostolatum et administrationem temporalem conventus tractare, salvis iuribus prioris provincialis.
  2. 3. Ad hoc quod vita communis apostolatui inserviat et laboribus fratrum locupletata sit locupletetur, quilibet conventus elaboret proprium programma seu schema vitæ apostolicæ. Schema hoc ab omnibus præparatum et revisum, a priore provinciali adprobari debet. Hoc modo eliminabitur activitas individualis a propria communitate et a priore provinciali non admissa.
  3. II. Capitulum provinciale determinet quænam in capitulo conventuali voto decisivo decernenda sint.
312
ordenacio
  • Definitive ACG 1998 Bologna n. 258
  • Secunda ACG 1983 Rome n. 350
  • Acceptata ACG 1980 Walberberg n. 242
Historia Revisionum
  1. Ius convocandi capitulum, quod pluries in anno habendum est, uni præsidi competit.
  2. Convocatio capituli semper publice et in scriptis fieri debet.
  3. Capitulares possunt ante capitulum aliqua negotia tractanda præsidi proponere; si autem tertia pars capituli aliquod negotium proposuerit, præses tenetur hoc discussioni submittere. Durante capitulo nullum negotium proponatur nisi præses in eo consenserit vel ad hoc invitaverit.
  4. Ne quid ex abrupto decernendum in capitulo proponatur, die saltem una vel altera antequam capitulum coadunetur, dummodo absit a mora periculum, de omnibus ac singulis tractandis vocales fiant certiores.
  5. Quando agitur de admissione ad professionem, semper adsit ad minus media pars ex illis qui vocem habent et in conventu habitualiter resident.
  6. Præses determinare potest quid sub secreto servandum erit.
313
ordenacio
  • Technice ACG 2016 Bologna n. 279
Historia Revisionum
  1. In deliberationibus semper sufficit simplex votorum maioritas, abstentionibus non computatis. 
  2. Si vota fuerint æqualia, præses ad breve tempus decisionem differre potest antequam causam dirimat, salvo CIC 127, § I. 
  3. Res ordinarie per vota secreta decernantur.