Subtitle
Art. I
De priore conventuali
Prior conventualis habet potestatem ordinariam ad normam iuris, tam pro foro interno quam pro foro externo, in fratres suo conventui assignatos vel ibi degentes.
Prior “non se existimans potestate dominante sed caritate serviente felicem”1:
- vitam fraternam regularem et apostolicam promoveat;
- fratribus de necessitatibus provideat;
- sollicitus sit ut fratres propriis obligationibus satisfaciant.
Prior:
- sæpe verbum Dei fratribus proponat et sacrificium Missæ pro eis offerat;
- consilium fratrum libenter exquirat, eorum responsabilitatem stimulet, et collaborationem omnium in bonum communitatis et salutem hominum foveat.
- Prior officium suum ordinarie obtinet per electionem canonicam a superiore confirmatam. Perdurat in eo non ultra triennium, quo exacto potest ad idem munus iterum assumi, sed non tertio immediate in eodem conventu.
- Officium incipit a die acceptationis et terminatur completo, eodem die, fine triennii.
- Si contingat triennium prioris terminari infra trimestre quod præcedit celebrationem capituli provincialis vel electionem prioris provincialis, prorogatur prioris auctoritas usque ad completum capitulum vel, si prior provincialis extra capitulum eligatur, usquedum prior provincialis suum officium assumpserit.
- Ubi, iusta de causa, videatur non expedire ut electio prioris celebretur infra mensem post vacationem prioratus, prior provincialis, audito capitulo conventus, potest priorem cessantem vel suppriorem in capite in suum vicarium pro regimine conventus non tamen ultra sex menses instituere, nisi infra semestre celebrandum sit capitulum provinciale.
Prior instituere potest in suum vicarium, si opportunum iudicaverit, aliquem fratrem presbyterum in conventu assignatum, qui habeat potestatem quam idem prior ei commiserit.
Absentibus priore, suppriore et vicario, presbyter in ordine antiquior, habens vocem activam et in conventu assignatus, tamquam vicarius habeatur.
ordenacio
Historia Revisionum
- Definitive ACG 2016 Bologna n. 277
- Secunda ACG 2004 Kraków n. 364
- Acceptata ACG 2001 Providence 2001 n. 487
- Prior qui ob infirmitatem impeditur a suis muneribus rite obeundis, si spes non appareat valetudinis intra sex menses recuperandæ, officio suo renuntiet.
- Si voluntatem suam renuntiandi communicare non potest vel non vult, supprior, audito consilio, casum ad priorem provincialem submittat.
In fine sui officii, prior rationem reddat sui regiminis iuxta determinationem in statuto cuiusque provinciæ faciendam.
- 1
Regula s. Augustini, 7.