Subtitle
Art. V
De fratribus ordinandis et sacerdotio initiatis
Ad ordines promoveri possunt tantum fratres qui:
- sint professi a votis sollemnibus;
- debitis qualitatibus præditi sint;
- a proprio superiore maiore præsententur;
- a consilio conventuali adprobentur, cuius est examinare si ordinandi requisita habeant (cf. CIC 1029 et 1051).
- Superiores ad ordines neminem admittant quamdiu de eiusdem moribus religiosis, de aptitudine ad sacerdotale officium et de profectu in studiis sibi per accuratam inquisitionem non constiterit.
- Ipsi vero singulos ordinandos interrogare et declarationem manu exaratam et subscriptam, de quo in CIC 1036, recipere ne omittant ut certiores reddantur eos libere ac scienter ad ordines in statu religioso promoveri velle (cf. CCL 1036).
- Post adprobationem in consilio et examine peracto circa ordinem suscipiendum coram examinatoribus a capitulo provinciali designatis, superior maior litteras dimissorias conficiat ad episcopum diœcesanum mittendas, servatis de iure servandis (cf. appendicem n. 10).
- Litteras dimissorias prior provincialis ne concedat, nisi filiis suæ provinciæ vel fratribus in sua provincia assignatis, de consensu prioris provincialis provinciæ affiliationis.
- Presbyteri studentes extra studentatum manentes, a priore vel ab aliquo patre fratre presbytero a priore provinciali designato, opportunis colloquiis et exercitationibus in vitam et apostolatum sacerdotalem gradatim introducantur.
- Sint tamen semper sub iurisdictione prioris conventus, salvis iuribus regentis quoad studia.
- Curriculo studiorum peracto, iuvenes presbyteri religiosæ et apostolicæ vitæ cum sensu responsabilitatis applicentur, ita ut ministerium sacerdotale vitam eorum spiritualem et intellectualem revera foveat et integret, conscii specialium problematum quæ primis annis sui sacerdotii ipsis impendent.
- Fratres, præsertim superiores, iuvenes presbyteros in eorum ministeriis fraterne adiuvent consilioque adsistant.
ordenacio
Historia Revisionum
- Definitive ACG 2004 Kraków n. 360
- Secunda ACG 1992 México n. 251
- Acceptata ACG 1989 Oakland n. 233
- Exercitio muneris confessarii præmittatur examen speciale. Elapso triennio, tenentur fratres alterum examen subire. Modus haec examina faciendi necnon casus in quibus dispensatio a secundo datur, in Ratione generali studiorum statuuntur. Modus hoc examen faciendi in Ratione generali studiorum statuitur.
- Fratres primum examen subire debent infra sex menses ab institutionali studiorum curriculo theologico absoluto, vel ab ordinatione sacerdotali si hæc quacumque ex iusta causa differatur.
- Ante haec examina hoc examen requiritur ad validitatem votatio de moribus de qua n. 318, 4°.