Semel saltem in mense, consilium coadunetur et negotia gerat iuxta normas supra nn. 312 et 313 pro capitulo conventuali statutas.

Consilii est: 

1. consensum dare ad institutionem vel amotionem syndici;
2. suffragium ferre, ad normam nn. 192, 196, 197, 202, 206, 207, pro admissione fratrum ad professionem;
3. dimittere tum postulantem tum novitium in casu urgenti;
4. dare adprobationem de moribus iure nostro requisitam pro examinibus subeundis vel de pro ordinibus suscipiendis;
5. adprobare rationem syndici et aliorum administratorum, necnon omnia alia de administratione œconomica decernere ad normam nn. 563 § I, 568;
6. decernere ea omnia quæ a capitulo provinciali examini et decisioni consilii relinquuntur.

1. In deliberationibus semper sufficit simplex votorum maioritas, abstentionibus non computatis. 
2. Si vota fuerint æqualia, præses ad breve tempus decisionem differre potest antequam causam dirimat, salvo CIC 127, § I. 
3. Res ordinarie per vota secreta decernantur.

1. Capitulo adsit secretarius, unico scrutinio ab eodem electus. 
2. De iudicio prioris, consentiente capitulo ad illud quandoque possunt vocari et audiri fratres professi non vocales, quin tamen habeant votum.