104
Ad veritatem diffundendam et opinionem publicam recte efformandam, fratres speciali idoneitate et eruditione præditi sedulo diversis instrumentis communicationis socialis utantur.
Ordenacio
Start Date
103
Fratres præsentes sint in universitatibus, institutis et centris scientificis necnon in scholis diversi generis et gradus, sive nostris sive alienis, præsertim ut professores et ut adsistentes religiosi.
Fratres sedulo parati cooperari studeant cum peritis in variis scientiis, tum participando eorum investigationes, tum quærendo modos communicandi cum eis veritatem Evangelii, ita ut progressus culturæ ad clariorem perceptionem humanæ vocationis conducat atque ad altiorem intellegentiam fidei mentes excitet.
Ordenacio
Start Date
101
Fratres ubicumque ministerium exercent sociam operam ineant cum episcopis in planificatione apostolatus sive diœcesana sive nationali.
Collaboratio aliis cum presbyteris et religiosis valde commendatur præsertim in iis quæ magis ad charisma nostrum pertinent, ita ut munera apostolatus nostri et aliorum mutuo se compleant in commune servitium Ecclesiæ.
Cum laici ratione baptismatis et confirmationis deputati sint ad apostolatum, nos cum eis ad hoc tendere debemus ut Ecclesia in omnibus campis societatis tamquam sacramentum salutis præsens fiat et maneat.
Fratres demum, conspicientes in omnibus hominibus bonæ voluntatis imaginem Dei creatoris et spem salutis, cum eis collaborare non dubitent quamvis eisdem nondum possint Evangelium annuntiare.
Attendant ad virtutes humanas et methodos discutiendi ac dialogandi quæ in cooperatione cum hominibus alius persuasionis speciali modo exiguntur.
Ordenacio
Start Date
97
- Ut quis ad magisterium in sacra theologia promoveri possit requiritur:
- ut vita et prudentia sit commendabilis;
- ut, studiis complementariis absolutis, labori intellectuali saltem per decem annos totaliter se devoverit;
- ut a commissione de vita intellectuali provinciae capitulo provinciali praesentetur et a duabus ex tribus partibus vocalium eiusdem capituli, proponatur, vel a capitulo provinciae affiliationis iuxta eumdem modum procedendi, aut a magistro Ordinis si agatur de fratre in conventibus vel institutis eidem immediate subiectis degente;
- ut de valore sui laboris et capacitate ad illum prosequendum sententiam favorabilem ferat commissio ad minus trium in specialisatione scientifica promovendi peritorum, qui a magistro Ordinis seligendi sunt;
- ut a capitulo generali vel a magistro Ordinis cum suo consilio promoveatur;
- ut magister recenter promotus publicam lectionem det.
- Nemo ad magisterium in sacra theologia promoveri potest nisi modo prædicto.
Ordenacio
End Date
Start Date
96
Magisterium in sacra theologia fratribus confertur qui in scientiis, praesertim sacris, promovendis eminentes agnoscuntur.
Huiusmodi excellentia comprobatur capacitate reflexionem et inquisitionem doctrinalem suscitandi ac ducendi, necnon operibus eximii valoris editis atque auctoritate in campo scientifico etiam extra Ordinem iam assecuta.
Ordenacio
Start Date
95
Examen lectoratus fiat iuxta modum et condiciones in Rationibus studiorum generali et particulari determinatas.
Ordenacio
Start Date
94
Gradus scientifici in Ordine sunt:
lectoratus;
magisterium in sacra theologia.
Si aliqua provincia opportunum duxerit, a gradu lectoratus conferendo abstinere potest.
Ordenacio
Start Date
93-bis
Ad centrum studiorum superiorum necnon universitatem constituendam vel acceptandam, servatis a iure servandis et condicionibus academicis habitis, requiritur:
petitio a capitulo provinciali facta, expositis rationibus;
decretum adprobationis a magistro Ordinis datum.
Centra studiorum superiorum et universitates quæ quomodocumque ad Ordinem pertinent quotannis magistro Ordinis de statu proprio rationem reddant.
Ad centrum studiorum specialium necnon ad centrum formationis permanentis constituendum, requiritur adprobatio prioris provincialis cum suo consilio, audita commissione de vita intellectuali provinciæ.
Ordenacio
Start Date
90
Ad magistrum Ordinis præcipue pertinet:
providere ut Ordo universus, per studium assiduum necessitatibus temporum aptatum, missionem suam adimpleat;
constituere et promovere illa centra altioris studii quæ,
propter exigentias laboris vel muneris, sub ipsius cura immediata esse debent;
collaborationem inter provincias stimulare et, pro opportunitate, favere erectioni conventuum studiorum vel centrorum pluribus provinciis communium.
In his omnibus peragendis magister Ordinis a socio negotiis de vita intellectuali
addicto necnon a commissione permanenti de promotione studii in Ordine adiuvatur.
Ordenacio
Start Date
88
Ad priorem conventualem præcipue pertinet:
providere ut cum professoribus conventuum studiorum aut aliis peritis sive Ordinis sive extraneis, frequentia opportuna, habeantur collationes et communia colloquia circa quæstiones doctrinales, eas speciatim quæ ministerium fratrum respiciunt;
curare cum lectore conventuali et bibliothecario ut bibliotheca instructa sit libris necessariis, et pecuniæ summa sufficiens quotannis impendatur ad illam locupletandam.
Habeatur lector conventualis studiorum qui superiorem in vita intellectuali communitatis fovenda adiuvet, nisi ipse superior hoc munere fungatur.
Ordenacio
Start Date