1. Quando provincia habet extra suum territorium in aliqua natione vel regione saltem quindecim vocales et unum conventum proprie dictum, capitulum provinciale eos coadunare potest in vicariatum provincialem, ut activitas apostolica et vita regularis fratrum ibi melius coordinari possint. Quando provincia habet extra suum territorium in aliqua natione vel regione saltem quindecim vocales et unum conventum proprie dictum, capitulum provinciale eos coadunare potest in vicariatum regionalem, ut activitas apostolica et vita regularis fratrum ibi melius coordinari possint.
2. Vicariatus provincialis regitur statuto a capitulo provinciali confecto et a magistro Ordinis adprobato. Vicariatui regionali competit:
   1. habere proprium statutum a capitulo provinciali adprobatum;
   2. celebrare propria capitula ad normam statuti vicariatus;
   3. admittere candidatos ad novitiatum et ad primam professionem;
   4. admittere ad professionem sollemnem et ad ordines sacros nisi in statuto provinciae aliter provideatur.

1. Quando provincia habet extra suum territorium in aliqua natione vel regione saltem quindecim vocales et unum conventum proprie dictum, capitulum provinciale eos coadunare potest in vicariatum regionalem, ut activitas apostolica et vita regularis fratrum ibi melius coordinari possint.
2. Vicariatui regionali competit:
   1. habere proprium statutum a capitulo provinciali adprobatum;
   2. celebrare propria capitula ad normam statuti vicariatus;
   3. admittere candidatos ad novitiatum et ad primam professionem;
   4. admittere ad professionem sollemnem et ad ordines sacros nisi in statuto provinciae aliter provideatur.
       

In qualibet provincia sit syndicus qui de bonis provinciæ curam habeat secundum normas pro administratione statutas.

Inter alia, in consilio provinciæ tractari debent: 

1. institutio vel amotio prioris regionalis et prioris conventualis;
2. præsentatio vel amotio parochi audito capitulo communitatis cui concredita est paroecia;
3. erectio domus in conventum, ad normam n. 262;
4. cassatio decisionis consilii vel capituli conventualis exclusis consiliariis in illo conventu assignatis;
5. transfiliatio fratris;
6. exclusio fratris a voce activa gravi de causa ad tempus facienda;
7. declaratio facti ad dimissionem fratris ad normam iuris (CIC 694 § 2).

In negotiis tractandis vim habet iuris, quod, præsente maiore parte eorum qui convocari debent, placuerit parti absolute maiori, id est, quod excedat medietatem suffragiorum, suffragiis nullis et abstentionibus non computatis, salvo CIC 127 § 1.