1.  
   1. Domus filialis ab aliquo conventu dependens constitui potest a capitulo provinciali;
   2. domus vicarium instituat qui in omnibus sese gerat iuxta determinationes ab eodem datas.
2. Normæ de modo instituendi vicarium, de destinatione fratrum ad domum filialem, de eorum iuribus et obligationibus erga conventum, a capitulo provinciali statuantur.
3. Fratres in domo filiali degentes, etsi in conventu assignati, non computantur ad numerum fratrum pro conventu proprie dicto requisitum.

Prior instituat sacristam, bibliothecarium, lectorem conventualem et alios officiales quos utiles iudicaverit.

Pro unoquoque officiali, capitulum provinciale condiciones, durationem, munera aliaque opportuna determinet.

1. Exceptis casibus a iure expressis, vota consilii sunt decisiva et non consultiva tantum.
2. Ut decisiones consilii valeant, oportet ut numerus consiliariorum ad minus attingat ternarium, praeside consilii computato.
3. Syndicus semper vocetur ad deliberationes consilii participandas, quin tamen votum habeat, nisi iam sit membrum eiusdem. Ad consilium vocentur ut audiantur officiales conventus, quando agendum erit de negotiis quae ad eorum munus spectant.
4. Alii officiales conventus ad consilium vocentur ut audiantur, quando agendum erit de negotiis quæ ad eorum munus spectant.

1. Capitulum generale vel magister Ordinis ad quamcumque provinciam aut conventum fratres libere assignare potest; capitulum autem provinciale vel prior provincialis assignationes facere potest in sua provincia.
2. Frater qui a magistro Ordinis vel a capitulo generali ad provinciam simpliciter assignatus fuerit, indiget praeterea assignatione conventui determinato.
3. Fratrum assignationes directae fiant in scriptis (cf. appendicem n. 12).