1. Syndicus Ordinis modo pro syndico provinciæ statuto rationem reddat magistro Ordinis et suo consilio. 
2. Annis in quibus capitulum generale celebratur, relatio syndici Ordinis, a consilio œconomico Ordinis examinata et analyzata atque a magistro Ordinis cum consilio eius approbata, sessioni plenariæ capituli præsentetur.

1. Administratores delegati et deputati debent, iuxta normas pro syndicis conventus vel provinciæ constitutas, rationem reddere.
2. Insuper negotio absoluto administrator deputatus rationem reddat superiori deleganti cum suo consilio.

1. Quolibet anno, syndicus provinciae, vice-provinciae et vicariatus generalis consilio respectivo rationem reddant accuratam et completam de acceptis et expensis, debitis et creditis eiusdem entitatis, de gestionibus ab eis factis, et de statu œconomico entitatis; proponant etiam rationem praesumptam seu aestimatam pro anno sequenti. Omnes hæ relationes a consilio respectivo adprobandæ sunt. Unoquoque mense syndicus debet suam relationem œconomicam proponere superiori entitatis.
2. Prior regionalis et vicarius provincialis similiter mittant priori provinciali suo accuratam relationem de statu oeconomico a respectivis consiliis adprobatam eodem modo ut supra in § I statuitur.

1. Quolibet mense coram consilio syndicus conventus rationem reddat de omnibus acceptis et expensis, debitis et creditis.
2. Quolibet anno superior domus, prior conventualis, vicarius provincialis et prior regionalis priori provinciali mittat rationem accuratam et completam a syndico confectam, in qua etiam contineatur ratio praesumpta seu aestimata (vulgo budget, état) pro anno sequenti, audito capitulo, si capitulum provinciale hoc determinaverit, et a consilio conventus vel vicariatus adprobatam, cuius exemplaria asserventur in tabulario respectivi syndici.

Nulli fratri liceat depositum personale in mensis publicis habere, nisi de licentia provincialis vel magistri Ordinis nisi de licentia sui superioris. In hoc casu etiam syndicus alius frater, a superiore delegatus, habere debet facultatem liberandi pecuniam.

1. Ordinis entia per capitula vel in statutis definiant modus operandi de bonis pecuniariis (administratio; cura argenti, actionum, obligationum vel similium; collocatio et permutationes in mensis publicis) secundum conditiones peculiares loci. 
2. In qualibet provincia normæ ethicæ stabiliantur pro pecuniarum investigatione et locatione. Prior provincialis cum suo consilio de hoc curare debet, audito consilio œconomico et promotore vel commissione provinciali pro Iustitia et Pace. His normis consideratis, provincia et singulis domus videant quibus in mensis publicis (banco) (cf. § III) fundos suos deponere et in quibus societatibus participare opportunum erit. 
3. Pecuniæ in mensis solummodo publicis (vulgo: bank) de quarum securitate certo constat deponantur et quidem ad mentem n. 555 sub nomine respectivæ personæ moralis iuridicæ vel instituti ad quæ pertinent.
4. Mensa publica eligatur ab ipso administratore de consensu superioris.

1. Quilibet syndicus vel administrator habeat tabularium tutum et bene ordinatum. In fine officii sui omnia acta tradat successori.
2. Administratores ad negotium particulare deputati omnia acta, negotio absoluto, tradant respectivo syndico.