391

Ad collaborationem inter provincias unius regionis vel nationis fovendam haberi possunt: 

1. colloquia periodica inter priores provinciales vel diversos officiales, ut magistros novitiorum, fratrum studentium et cooperatorum, regentes, professores, promotores, etc.; 
2. sessiones vel commissiones interprovinciales pro problematum communium studio; 
3. promotores nationales vel regionales pro diversis operibus; 
4. novitiatus vel studentatus communis vel centra communia, iuxta normas a magistro Ordinis adprobandas; 
5. conventio, de consensu magistri Ordinis ineunda, pro erectione conventuum interprovincialium, necnon pro assignationibus faciendis de una provincia ad alteram.