Subtitle
Art. VII
De aliis officialibus curiæ generalitiæ
- Alii officiales curiæ generalitiæ sunt: procurator generalis, postulator generalis causarum beatificationis et canonizationis, secretarius generalis Ordinis, syndicus Ordinis, archivista, et promotores generales. Adesse etiam possunt pro magistro Ordinis et curia aliqui periti et collaboratores.
Ex his officialibus et peritis aliqui eligi possunt etiam inter socios magistri Ordinis. - Ab ipso magistro Ordinis, audito suo consilio, instituuntur, et manent in munere ad sexennium; possunt tamen ad alterum sexennium iterum institui, semper relicta novo magistro Ordinis libertate fratres ad curiam generalitiam pertinentes mutandi.
- De institutione procuratoris et postulatoris generalis Sancta Sedes certior fiat.
Officium procuratoris generalis est negotia apud Sanctam Sedem pertractare, secundum facultates a magistro Ordinis concessas.
Quilibet frater negotia propria, domus conventus vel provinciæ pertractat cum Sancta Sede mediante procuratore Ordinis cui competit hoc servitium præbere, salvo semper iure cuiuslibet optata sua Romano Pontifici plena libertate patefacere (cf. Lumen Gentium n. 37), et salvis nn. 426, 3°, 427 § I, 5°, et 434, 1°.
ordenacio
Historia Revisionum
- Definitive ACG 2019 Biên Hòa n. 411
- Secunda ACG 2016 Bologna n. 309
- Acceptata ACG 2013 Traugurii n. 252
Postulator generalis causarum beatificationis et canonizationis:
- munere suo fungitur secundum normas a Sancta Sede stabilitas et statutum a magistro Ordinis adprobatum;
- semel saltem quolibet anno magistro Ordinis rationem in scriptis reddat de statu œconomico, in qua pecunia accepta, expensæ, crediti et debiti compensatio, describantur;
- 2. de statu singularum causarum relationes transmittat cuilibet capitulo generali.
Secretarius generalis Ordinis:
- præest secretariatui generali;
- munere fungitur secretarii consilii generalitii, quin tamen vocem habeat;
- a secretario generali, pro capitulo generali celebrando instituto, sit distinctus.
- Syndicus Ordinis de omnibus bonis curam habet iuxta normas pro administratione statutas.
- Semper vocetur ad deliberationes consilii generalitii participandas, quin tamen votum habeat nisi iam sit membrum eiusdem.
- Archivista curam habet de archivo generali, ubi asservantur documenta ad historiam Ordinis pertinentia, secundum normas pro archivo provinciæ, mutatis mutandis, supra stabilitas (nn. 381–383).
- In archivo Ordinis nullus nisi de archivistæ licentia speciali admittatur; extraneis vero, qui voluerint documenta recentioris ætatis inspicere, nihil communicentur nisi de licentia magistri Ordinis.
ordenacio
Historia Revisionum
- Definitive ACG 2016 Bologna n. 310
- Secunda ACG 2004 Kraków n. 381
- Secunda ACG 2001 Providence n. 505
I. Promotoris generalis monialium est:
- magistrum Ordinis et procuratorem generalem adiuvare in negotiis moniales spectantibus;
- informationes circa eas vel pro eis colligere et ipsis ac diversis provinciis communicare.
II. Ad eum pertinet etiam curare de institutis saecularibus Ordini aggregatis vel aggregandis.
- In curia generalitia immediate post magistrum Ordinis veniunt:
- socii magistri Ordinis et inter se secundum ordinem professionis;
- procurator generalis Ordinis;
- reliqui fratres ad curiam pertinentes, et inter se secundum ordinem professionis.
- In capitulis vero generalibus socii locum habent secundum suum ordinem, immediate post priores provinciales.
- Nullus frater curiæ generalitiæ assignetur præter eos qui ad eam, secundum constitutiones, pertinent.
In diversis institutis immediatæ iurisdictioni magistri Ordinis subiectis, præsides nominentur ad sexennium a magistro Ordinis, auditis membris ipsius instituti et sociis quorum interest. Ad idem autem officium reassumi possunt.