1. Exercitio muneris confessarii præmittatur examen speciale. Elapso triennio, tenentur fratres alterum examen subire. Modus haec examina faciendi necnon casus in quibus dispensatio a secundo datur, in Ratione generali studiorum statuuntur.
2. Fratres primum examen subire debent infra sex menses ab institutionali studiorum curriculo theologico absoluto.
3. Ante haec examina requiritur ad validitatem votatio de moribus de qua n. 318, 4°.

Ad ordines promoveri possunt tantum fratres qui: 

1. sint professi a votis sollemnibus;
2. debitis qualitatibus præditi sint;
3. a proprio superiore maiore præsententur;
4. a consilio conventuali adprobentur, cuius est examinare si ordinandi requisita habeant.