Skip to main content

232

Studia institutionalia, pro posse, fiant intra Ordinem secundum indolem propriam studii nostri (nn. 76–83). Si opportunum tamen videatur quod non peragantur intra Ordinem, provincia, de consensu magistri Ordinis, disponat modum aptiorem procurandi formationem fratrum, salva semper fidelitate erga traditionem doctrinalem Ordinis.
Constitutio
In fieri:
No
Confirmed ACG 1968 River Forest n.
Valere coepit:
Primo promulgata:

231

Ad priorem provincialem præcipue pertinet: 

  1. cum suo consilio determinare modum aptiorem procurandi institutionem fratrum, attendendo ad ea quæ dicuntur n. 234;
  2. cum suo consilio et audita commissione de vita intellectuali, regentem magistro Ordinis proponere, si extra capitulum de hoc providere oporteat;
  3. præparare professores aptos ad formationem intellectualem fratrum;
  4. munus docendi in centris studiorum provinciæ fratribus conferre secundum statuta ipsorum centrorum;
  5. submittere adprobationi magistri Ordinis Rationem studiorum particularem.
Constitutio
In fieri:
No
Confirmed ACG 1968 River Forest n.
Valere coepit:
Primo promulgata:

230

Ad magistrum Ordinis præcipue pertinet: 

  1. centra studiorum institutionalium erigere;
  2. regentes instituere;
  3. Rationem studiorum generalem conficere, promulgare et, mutatis pro tempore adiunctis, congruenter aptare;
  4. Rationes studiorum particulares adprobare.
Constitutio
In fieri:
No
Confirmed ACG 1968 River Forest n.
Valere coepit:
Primo promulgata:

229

Studia reguntur: 

  1. secundum Rationem generalem ubi continentur ea quæ ad ordinationem communem studiorum et ad unitatem doctrinalem Ordinis necessaria sunt;
  2. secundum Rationes particulares, necessitatibus regionum et temporum accommodatas.
Constitutio
In fieri:
No
Confirmed ACG 1968 River Forest n.
Valere coepit:
Primo promulgata:

226

Fratres studentes magni habeant et opere adimpleant quæ de momento et de fontibus studii dicta sunt nn. 76–83. Conscii sint studium quod peragunt pertinere ad ipsum vitæ genus cui per professionem sese adstringunt.
Constitutio
In fieri:
No
Confirmed ACG 1968 River Forest n.
Valere coepit:
Primo promulgata:

221

Fratres clerici, emissa prima professione, ordinarie transeunt ad studentatum ubi regulariter manent usque ad sacerdotium vel ad finem studiorum institutionalium, ut integram suam formationem prosequantur et perficiant.
Constitutio
In fieri:
No
Confirmed ACG 1968 River Forest n.
Valere coepit:
Primo promulgata:

218

Post triennium professionis simplicis, formatio fratrum cooperatorum, sive sint a votis sollemnibus sive non, continuetur saltem ad biennium sub cura superioris localis in aliquo conventu apto, secundum normas a capitulo provinciali statutas.
Constitutio
In fieri:
No
Confirmed ACG 1968 River Forest n.
Valere coepit:
Primo promulgata:

217

I. Fratres cooperatores, expleto novitiatu, per integrum triennium in conventu pro eorum formatione designato commorari debent, sub cura proprii magistri, qui frater cooperator sollemniter professus esse potest, quoad formationem spiritualem et humanam; sub cura regentis vel alicuius fratris idonei a priore provinciali cum suo consilio designati, quoad formationem intellectualem et professionalem.

II. Magister cooperatorum ab aliquo fratre cooperatore sollemniter professo in suo munere adimplendo adiuvari potest.

Constitutio
In fieri:
No
Confirmata ACG 2007 Bogotá n. 295
Adprobata cum ordinatione ACG 2004 Kraków n. 358
Inchoata cum ordinatione ACG 2001 Providence 2001 n. 483
Valere coepit:
Primo promulgata:

215-bis

Ut fratres prudenter et gradatim ad apostolatum efformentur, post primam professionem in ministeriis lectoratus et acolythatus institui possint.
Constitutio
In fieri:
No
Confirmed ACG 1968 River Forest n.
Valere coepit:
Primo promulgata:

215

Ut religiosa institutio spiritu apostolico imbuatur, conventus formationis ita sit dispositus ut in eo exerceri valeat apostolatus et fratres pro sua quisque condicione progressive et prudenter initientur in ipsum per veram et activam participationem.
Constitutio
In fieri:
No
Confirmed ACG 1968 River Forest n.
Valere coepit:
Primo promulgata:
Subscribe to